BookIceland bókunarvélin

Síðustu mánuði hef ég verið að vinna að gerð vefsíðunnar Book Iceland sem er bókunarvél fyrir íslensk hótel og gististaði. Þar er einnig hægt að bóka flug í samstarfi við dohop flugleitarvélina. Vefurinn er enn í þróun en nú þegar eru nokkur hótel komin þar inn og á næstu vikum mun ég ferðast um landið og kynna kerfið fyrir aðilum í ferðaþjónustu.

BookIceland er nú þegar í boði á ensku (www.bookiceland.co.uk), á þýsku (www.bookiceland.de) og á Íslensku (www.bookiceland.is). Síðar er stefnt að því að opna vefinn á sænsku á slóðinni bookiceland.se. Vefurinn er út á við söluvefur fyrir gistingu en inn á við er hann kerfi fyrir ferðaþjónustuaðila til að halda utan um bókanir og bókhald sitt. Þeir sem hafa áhuga á að kynna sér verkefnið geta haft samband við mig í síma 848 7600.